#歌詞耕作
呢首歌由demo開始已經係一首非常有畫面同埋電影感嘅作品，第一次聽個陣我成個腦都係枯葉同埋枯紅色，所以我好想寫一段有關枯萎嘅歌詞，亦都想個故事可以好淒美。諗咗好耐，知道呢首歌係會由on仔主唱同埋featuring梁詠琪 (知道佢會唱我嘅歌詞開心咗成日，希望佢冇用嫌棄眼光嚟睇我呢份歌詞) ，我決定寫一段第三者嘅自白，想講嘅message係只要自己對於所愛嘅人或者事物無愧疚同後悔，自然就係光明磊落，冇需要理其他人嘅閒話或者俗世嘅標準；所以首歌嘅第一稿只係一首好單純嘅淒美情歌。
後來改改吓，知道咗首歌將會收錄入去《生於斯》呢隻大碟，所以我就刻意改左某啲句子同埋改變咗故事某啲情節，配合呢隻大碟有關香港嘅主題。雖然有人批評將政治或者社會議題放入情歌係一種守舊而不思進取嘅做法，但係我仍然喜歡呢份歌詞，因為我覺得份歌詞去到呢個程度係最能夠配合到首歌旋律同埋編曲上嘅蕩氣迴腸同埋古典美；但係呢，其實我都好想可以寫多啲可以直接地控訴社會嘅作品，因為我本身就係一個怨氣過盛，忿忿不平嘅人嚟~
另外又想講吓，填呢首歌其實最高難度嘅地方並唔係佢旋律複雜或者字數好多，而係chorus嘅排列係三個字三個字咁排，仲要出現咗好多次，果陣真係諗咗好長時間；至於字數好多反而對我個人來講係一個好處，因為可以更加清晰咁表達我想講嘅嘢。後來填《#夜幕天星》就係一個好好嘅對比，呢首歌令到我個頭變到好大，遲啲再講吓～
首個錄好之後，嚟到最後一個步驟就係改個名；曾經想將呢首歌叫做《花落有時》，但係又好似有少少老土；最後我選擇咗《後會無期》呢四個字嘅氣魄，而為咗更加貼合主題，商量之後我哋就將個「後」字改成「后」。《后會無期》最後mix好出咗嚟，成果比我預期中更加好聽，尤其係on仔唱得好好，搣甩咗暖男陣除，仲聽到佢平時無乜用到嘅聲音，所以我哋幾個都好喜歡呢首作品，亦都成為咗C AllStar比較鮮有，陰鬱少少嘅歌曲類型。
C AllStar On C AllStar 梁詠琪 Gigi Leung Wing Kei
曲 : #賴映彤@groovision
詞 : Oscar
編 : 賴映彤@groovision
監 : #簡/賴映彤@groovision
唱 : C AllStar (Feat. #梁詠琪)
准我今晚擁妳進懷內
准我今晚親妳的雙頰面腮
今晚一過不會再有期待
准我今晚捉緊妳默哀
花開之際其實早該知這夢要醒
花萎一瞬只有痛亦是高興
風一吹再璀燦的記憶盡褪色
隨情感散落路旁成泡影
天光了 再順路 變陌路
幾多春光秋色未可細訴
千載過 再遇在 愛恨路
看你半眼始終仍迷倒
即使我 再妒忌 再羨慕
你與愛侶同偕共老走過每段路
拈花錯 污泥染
都抵我逕自老
准我今晚一記往時事 (絲絲細雨就在圍城內初次遇上你)
准我今晚跟你輕聲說歷史 (抖抖顫顫就在門前輕親我一雙眉)
天快光妳將抹去我名字 (乾乾脆脆步奈何橋走出這黑暗地)
穿妳婚禮的錦繡羅衣
偷偷相愛其實早該知這夢要醒
得到資格傷痛過亦是高興
風一吹再璀燦的記憶盡褪色
洪流中往事前塵無背影
天光了 再順路 變陌路
幾多春光秋色未可細訴
千載過 再遇在 愛恨路
看你半眼始終仍迷倒
即使我 再妒忌 再羨慕
你與愛侶同偕共老走過每段路
拈花錯 污泥染
都抵我逕自老
匆匆一生走過半世是成就
愛過痛過歸於土中甘願承受
自來受 自來救 似毒咒
美夢要醒何來內疚
事過人離後
(幾多對 再順路 變陌路
即使天崩海枯未可愛到
幾多歲 再遇在 愛恨路
耳語半句忠貞便難保)
天一光 走 以後 獨行浪遊大宇宙
早知我 這夜盡 告別後 再見說過
皇后像你 不會再念舊
風吹過 枯葉舞
歸土化作塵垢
歌都唱過 剩一人奏
